tournesol 60 lane depi yo kwaze e 50 depi yo mare lavi yo ansanm devan Bondye ak fanmi yo. Depi jou sa, pa yo, rèv yo melanje. Yo bliye kote youn kòmanse e kote lòt la fini. Yo pase tout tray ak kouraj. Ti moso “cheri, m renmen w’ pa sispann pataje antre yo.
Chak jou, yo leve je nan je e yo dòmi je nan je. Yo fonn youn nan lòt tankou si yo te taye nan menm moul. Papi a gade madanm li avèk menm souri li te bay lè l te di l’ premye bonjou a. Manmi an gen menm zetwal nan je l ke lè li te tande vwa mari l premye fwa. Son lanmou ki travèse menm tanpèt ak disip Jezi yo e ki reziste menm jan ak kannòt la tou.
Kounya, lè yo chita sou dodin yo, sou galri, ap gade solèy k ap kouche, men yo ak kè yo toujou soude. Y ap tann mèt lanmò vin chache yo ansanm paske menm li menm pap ka separe yo.
0 Reviews
